ضوسي السمسرة القضائية.. ها النوازل القضائية لي لعب فيها "ربكو" وها الفلوس لي خذاها بالمقابل

المسخوط ديال "ربكو" المنتدب القضائي الإقليمي فكازا لي هو البطل ديال فيلم "السمسرة القضائية" طلب نهار 01 يناير 2023 رشوى من الملقبة بفتيحة باش يتوسط ليها عند القاضي (ن .ه)، ونهار 03 فبراير غادي تتصل به نجية باش يتوسط ليها على واحد يالاه عندو التقديم قدام قاضي التحقيق، وأن الملف دايز عند القاضي صحيبو، وقال ليها خص الملف يتأخر، ومقابل هاد الوساطة قاليها جيبو ليا حوايج وكيأكد بغا حوايج من ميريكان وعاد قاليها وصوري ليا ذاك المحضر ندخلو للقاضي صاحبي.
فملف آخر كيقول ربكو للسيدة لي تاصلات به "صافي راه مزيان تعيين واحد الأستاذة كنعرفها بعدا مزيان" فملف آخر غادي يطلب 20 ألف درهم وكاينة وحدة أخرىعطات 60 ألف درهم باش ولدها يخرج من الحبس، وفملف آخر وفق المكالمات الهاتفية ربكو تيقوليها دابا جيبي الأمانة في إشارة للفلوس.
فملف واحد آخر، امرأة اخرى اتصلات براجلها وقاليها راني عطيتو 40 ألف درهم للمسمى سعيد وطلب عاود ثاني باش يسلمو 20 و30 ألف درهم.
وفملف واحد آخر ربكو تيتصل بوحدة وقاليها غادي يعيط ليك باش مشيو شوفي انت شحال الأمانة لي كاينة عندك قالت ليه كاين مليون لي بقى بيناتنا.
فملف اخر كيتكلمو على ثلاثة الحوالا صرديين وأن مول الملف ماشي مشكل يقدر يدفع غا مليون في بلاصة جوج. طبعا هاد الشي غا شوية من بزاااف من بين النوازل واحد عندو محل ديال الذهب شرا كمية من عند قاصر واحد اخر عندو علاقة بملف ضرائب ووحدة تحكم ضدها الملف قاليها سير للبيرو 12 بالمحكمة نقضيو الغرض وكاينة نوازل ديال الأسرة وزيد وزيد..