رمزي: كنشكر الناصيري على مجهوداتو باش رجعت نخدم فالمغرب وعطاني فرصة وغنفرحو هو والوداديين

عادل رمزي مدرب للوداد الجديد فرحان بزاف ديالو بتعاقدو مع الحمرا. رمزي شكر الرئيس سعيد الناصيري على الفرصة اللي عطاها ليه باش يرجع يخدم فالمغرب ومع الجماهير الودادية اللي رحبت بيه. رمزي عطاهم وعد باش يفرحهم بالتتويج بالألقاب.
وقال عادل رمزي خلال التقديم ديالو على الصفحة الرسمية ديال الوداد: "كان ديما الهدف ديالي نرجع للمغرب بلادي باش نفيد كرة القدم المغربية وكنشكر رئيس الوداد سعيد الناصيري اللي عطاني هذه الفرصة، حيث الظروف كانت صعبة باش نخرج من إيندهوفن والعام اللي فات راه كلي شاف أن إيندهوفن ما تساعدوش معيا باش نكون مع المنتخب المغربي".
وكمل رمزي: "الرئيس سعيد الناصيري دار المجهود ديالو الكبير باش نجي الوداد وهذا الشي كيعطني قوة وطاقة كبيرة باش نقدم كل ما عندي للفريق الأحمر، وكنشكر جمهور الوداد اللي رحبو بيا وكنواعد الرئيس الناصيري والجماهير بلي غنقدم ما أمكن باش نفرحهم".