نايضة بين الوداديين بسبب استقالة الناصيري ورحيلو عن الوداد خالع معارضيه كثير من أنصارو

نايضة بين جماهير الوداد الرياضي بعد إعلان رئيس النادي سعيد الناصيري الاستقالة من المنصب ديالو، وفتح باب الترشح لانتخاب رئيس جديد للواك، وهاد الشي بعد تنظيم الجموع العامة الخاصة بالنادي.
وشعلت مواقع التواصل الاجتماعي بين المؤيدين لرحيل سعيد الناصيري والرافضين لهاد القرار، وكلشي وسط الوداديين تالف وما فاهم والو، وحتى أشد المنتقدين له ما متيقينش أن أنجح رئيس فتاريخ الوداد الرياضي قرر يمشي بحالو بهاد البساطة، ويخلي الفريق للي صنع معه التاريخ ويدير الخاطر للمطالبين بالتغيير بدون ما يدخل النادي والمكونات ديالو فتطاحنات وصراعات.
جماهير الوداد الرياضي سوا المؤيدة لسعيد الناصيري أو المعارضة له مصدومة دابا، ومازال ما قادراش تستوعب شنو واقع، والغريب أن حتى المطالبين بالرحيل ديالو بزاف منهم ضربتهم اللقوة، وما بقاو عارفين ما يقولوا، خصوصا وأن البديل لسعيد الناصيري اللي خاص تتوفر فيه شروط الترشح باش يشد النادي خلال المرحلة المقبلة ما كاينش إلى حدود الآن، وحتى شي اسم ما كيروج باش على الأقل يقولو راه كاين اللي ياخذ بلاصة الناصيري، وكلشي دابا خايف يرجع نادي الوداد الرياضي لمرحلة ما قبل رئاسة سعيد الناصيري، وهي الفترة اللي كان فيها الجفاف فالألقاب والصراعات والتطاحنات، حيث الاتفاق مع الرجل الأسمراني أو الاختلاف معه، لا يمنع من الاعتراف بأن مرحلة الرئيس سعيد الناصيري هي أنجح مرحلة فتاريخ الوداد الرياضي بإيجابيات التسيير ديالو وسلبياتها.
سعيد الناصيري واخا أكد أنه ما غيخليش المنع د الانتدابات من وراه وأن كلشي غيتخلص قبل ما يقدم الاستقالة، وبلي غيتعاون مع أي واحد باغي يشد رئاسة النادي فبلاصتو خاص غير تتوفر فيه الشروط، راه صعيب يجي شي واحد يترأس النادي ويحقق داكشي اللي حقق الناصيري من ألقاب ويوفر السيولة المالية اللازمة لفريق كبير بقيمة الواك، وهذا النقاش هو اللي داير دابا بين الأنصار ديالو، وحتى الوداديين المعارضين له عارفين هذا الشي مزيان، وسخونية الراس ديالهم بدأت كترجع بالبرودة ورا إعلان الاستقالة، ولكن بعد فوات الأوان، حيث القرار الأول والأخير بيد الناصيري وهو اللي عندو الحق يختار واش يكمل فالاستقالة من النادي ويمشي بحالو أو يتراجع عليها.
وقرر سعيد الناصيري يقدم الاستقالة من رئاسة نادي الوداد الرياضي، وأكد أنه ما ناويش يترشح مازال وغيخلي شي حد اخر يترشح باش ياخذ بلاصتو ويلبي مطالب الجماهير الودادية، وهذا الشي بعدما شد النادي لمدة 9 سنوات تقريبا، ربح فيها الوداد تحت الرئاسة ديالو 5 ألقاب فالبطولة الاحترافية، و2 ألقاب دوري أبطال إفريقيا، ولقب سوبر إفريقي، مع العلم أن الفريق معه كان ديما كيسالي الموسم إما بطل للمغرب أو وصيف، وإفريقيا صبح الواك متعود يلعب السنوات الأخيرة دومي فينال أو فينال دوري أبطال أفريقيا، وشارك 2 مرات فكأس العالم للأندية وضمن المشاركة بالنسخة ديال 2025، وهذا الشي اللي خالع جماهير الود