مونديال العيالات: المنتخب المغربي رجع يتدرب وكيوجد لماتش كولومبيا وها الأجواء وسط اللاعبات

بدا المنتخب الوطني المغربي لكرة القدم النسوية كيركز على الماتش ديالو الجاي فكأس العالم للسيدات 2023، واللي غيلعب فيه مع منتخب كوريا الجنوبية.
ورجع المنتخب الوطني المغربي اليوم الخميس، للتداريب ديالو بعدما استفادت اللاعبات من يوم عطلة للراحة من عياء الماتش الماضي ضد ألمانيا برسم الجولة الأولى.
الحصة تدريبية د المنتخب المغربي النسوي بقيادة المدرب رينالد بيدروس، عرفت حضور جميع لاعبات المنتخب المغربي، وكاينة خدمة كبيرة من الطاقم التقني د ليكيب ناسيونال باش يوجدو اللاعبات نفسيا وبدنيا لتجاوز الهزيمة الثقيلة مع الألمانية بنتيجة 6 لزيرو.

المدرب رينالد بيدروس، ركز بزاف خلال الحصة التدريبية على الجانب المعنوي والدهني د لاعبات المنتخب المغربي، وبدا خدام معهن على الأخطاء اللي دارت فالماتش الماضي لإصلاحها استعدادا لمواجهة منتخب كوريا الجنوبية، وراه كان المورال وسط لكروب مزيان واللاعبات عارفين حجم المسؤولية اللي عليهن وأن الجمهور المغربي ديما واقف معهن وكيشجعهن كيفما كان الحال.
وغيلعب المنتخب الوطني المغربي الخميس الجاي مع 5 ونصف الصباح بالتوقيت المغربي ضد منتخب كوريا الجنوبية فتيران مدينة هيندمارش الأسترالية، وهي فرصة بالنسبة للاعبات المغربيات لتحقيق أول رباح فكأس العالم والحفاظ على حظوظ ليكيب ناسيونال فالتأهل إلى الدور الثاني، مع العلم أن المنتخب الكوري حتى هو عندو نفس الرغبة حيث كان خسر مع كولومبيا فأول جولة.