مونديال استراليا للعيالات. مدرب كوريا الجنوبية معول على الحظ باش يربح المغرب

شكر كولر بيل مدرب المنتخب الكوري الجنوبي مدرب المنتخب المغربي لكرة القدم وقال بللي "مدرب عندو تجربة كبيرة ومدرب مزيان".
كولر قال اليوم السبت 29 يوليوز في ندوة صحافية بملعب هيندمارش باديلايدي الاسترالية باللي ماتش بلادو غدا ضد المغربيات فمونديال استراليا نيوزلندا للسيدات٬ باللي المغرب فرقة منظمة وباللي كان ممكن يماركيو واحد او جوج فماتش المانيا اللي خسروه ب6 لزيرو.
واكد كولر بللي وجد خطة باش يهرس الخطوط وباللي لا كوريا لا المغرب كيتشابهو. المدرب كالمدافعة الكورية سون جو اكدو فهاد الندوة الصحافية باللي المهم هو يربحو ماتش المغرب وبللي هاد الرباح غادي يعزز ثقة اللعابات بنفسهم.
وشدد المدرب كولر باللي ماتش المغرب مختالف على ماتش كولومبيا اللي خسراتو كوريا الجنوبية بجوج لزيرو. المدرب معول على اللعابات دياولو وعلى الحظ "ماتش المغرب مختلف. نتمناو لقاو اجوبة اخرى. محتاجين للحظ. الماتشات كلهم فالمونديال كيكونو سيري بزاف"