دراسة جديدة بينات أن الناس لي كيفيقو معطلين فالعطلة دغيا كيغلاضو

دراسة جديدة دارتها كلية كينغز في لندن كتقول أن الناس لي كيفيقو معطلين فالعطلة كيغلاضو بالزربة، حيت هاد النعاس معطل كيدير خلل فتوازن ديال البكتيريا الصحية بالأمعاء.
صحيفة The Times البريطانية، بارطاجات تفاصيل ديال هاد الدراسة، وقالت أن الفياق فوقت معطل فالصباح كيزيد الميكروبات الضارة وكيولي بنادم كياكل الماكلة ديال الزربة لي مكتكونش صحية.
والباحثون لقاو أن 16% من الناس لي كيفيقو معطلين فالأيام ديال العطلة كيعانيو من "الإجهاد الاجتماعي"، حيت ديما كيفيقو معطلين بشي ساعة ونص مقارنة مع ليامات العادية، وهادشي كيدير اضطراب ساعة الجسم الداخلية.