بوجنوي مخرجة لمضا ف"دوزيم". كيفاش جوائز تافهة ديال "تيليلا" عاطياها باش تبورد وكيفاش كتوظف موضوع المرأة باش تبقى فالواجهة

ول البارح لخميس 12 اكتوبر 2023 كانت جوائز النسخة الخامسة من تخربيقة دارتها المديرة المالية ل"دوزيم" بوجنوي. تفرقو الجوائز بيناتهم فسهرة كانت باستوديو الفنون الحية فكازا. هادي فضيحة كبيرة. تعطاو جوائز لناس ما كيقدمو للبلاد والو. عطاو جوائز الاعلانات لبعضياتهم.
هاد الشي ماشي مهم حقاش الجوائز ما عندها قيمة. هاد الشي دار باسم المرأة وخداتو المديرة المالية خديجة بوجنوي. مديرة فشلات فتدبير مالية القناة اللي كتعاني. هادي لقات موضوع المرأة كتف تاكلو وتبقى فالواجهة. هاد المديرة اللي مدورة بيها رباعة كيبايعوها وخداو جوائز البارح كاع٬ لا علاقة لهم بالمرأة ولا بحقوقها٬ كيف قلنا هادي وصلات للتقاعد ومشات عند فيصل لعرايشي الرئيس المدير العام للقطب العمومي اللي كيجمع "دوزيم" والشركة الوطنية للاذاعة والتلفزيون٬ باش يزيدها.
دابا راه مازال مديرة فقناة كتعاني ماليا. هادي اللي دايرنها على رأس لجنة كتعني لجنة المناصفة والتنوع. اللي نجحات فيه لحد الان هو دارت المناصفة بين اتباعها اللي مبايعينها فدوزيم والتنوع الوحيد اللي قدرات ديرو هو كل مرة كتكرم هاد الاتباع علي اخلاصهم لكمارتها.
ناس دوزيم كيعانيو. لا تأمين صحي لا تقاعد تكميلي ولالاهم الجنوية كيدير سهرة تبورد فيها