الركراكي: أمرابط لاعب واعر ومهم فالمنتخب به ولا بلا به خاصنا نتأضبطاو

أكد الناخب الوطني وليد الركراكي أن سفيان أمرابط نجم مانشستر يونايتد لاعب مهم فالمنتخب الوطني المغربي، واخا مؤخرا، غاب على ليماتش د لكيبب ناسيونال بسبب الإصابة، ولكن راه ضروري من الحلول إذا غاب سوًا هو سوا لاعبين آخرين.
وتحدث وليد الركراكي وقال: "سفيان أمرابط لاعب مهم بالنسبة لنا وحتى هو بدل الفريق ديالو فأول الموسم وماشي ساهل هذا الشي وبدل الجو والبلاد وكيلعب فالبطولة النكليزية الصعيبة وفريق اللي اليوم عندهم ضغط وماشي ساهل، الأمور واضحة مع سفيان أمرابط كان عندو مشكل بدني فالتجمعات بجوج ديال ليكيب ناسيونال اللي فاتو وما بغيناش نخاطرو به ودابا ها هو معنا".
وزاد أكد وليد الركراكي: أمرابط هو عنصر أساسي فالسيستيم ديالنا جرينا فالماشات الأخيرة باش نشوفو الحلول بان ليا العزوزي كان مزيان فالماتش الأخير وجبران حتى هو يقد يعطينا الإضافة.. حنا خاصنا نتأضابطاو يكون سفيان أمرابط ولا ما يكونش، إيه راه ملي كيكون عندك لاعب واعر كلشي كيسهال عليك ولكن إذا ماكانش خاصك تقلب على الحلول وآخر الماتشات اللي لعبنا جربنا فيهم وعطاتنا أجوبة ودابا عارفين فين كاين الخلل وشنو خاصنا نديرو إذا غاب شي لاعب أساسي".