لاعب المنتخب الموريتاني اللي تسبب فخروجهم من الكان مشا لتندوف وما رجعش لموريتانيا مع ليكيب

Elouali.zaz.1987@gmail.com
خلقات زيارة لاعي المنتخب الموريتاني لكرة القدم، واللي شارك فكأس افريقيا بالكوت ديفوار، ياسين الشيخ الولي، لمخيمات تندوف حالة كبيرة من الغضب فالأوساط الموريتانية.
اللاعب الدولي الموريتاني اللي مزيود أصلا فمخيمات تندوف وعاش فمدينة باتنة الجزائرية ومباشرة بعد الخطأ الفادح اللي إرتاكب وتسبب فخروج المنتخب الموريتاني من دور الثمن على يد منتخب الرأس الاخضر، ما مشاش لموريتانيا مع بعثة المنتخب الموريتاني، وفضّل أنه يمشي لمخيمات تندوف وحضر مع شي فريق تم وتصور معاهم.
الزيارة اللي دار لاعب المنتخب الموريتاني لمخيمات تندوف خلات مدونين موريتانيين ينتاقدوه اولا على الآداء اللي دار وتسببه في الخروج من كأس أفريقيا، وثانيا بسباب الزيارة اللي اعتابروها من دون معنى فوقت كان خاصو يواجه ويعتاذر بسباب الخطأ ويرجع لموريتانيا مع بعثة المنتخب بلا ما يهرب من المواجهة مع الجمهور.
الأكثر من ذلك انتاقدو مدونين اللاعب ياسين الشيخ الولي وحقيقة انتمائو لموريتانيا، وهاد الإنتقاد يمكن نلخصوه فتدوينة قال فيها واحد: "الوطنية لا تتجزأ" فإشارة لولاء اللاعب لجبهة البوليساريو أولا.