الجمهور كاعي على تايلور سويفت بسباب الطريقة للي تعاملت بها مع سيلين ديون فحفل "الغرامي"

واخا المغنية الميريكانية تايلور سويفت حطمات الرقم القياسي فعدد الجوائز ديال "الغرامي" لي ربحاتها، وربحات جائزة أحسن ألبوم في حفل "الغرامي" للمرة الرابعة على التوالي، إلا أن بزاف ديال الناس كعاو عليها.
لي خلا الناس تكعا عليها هو التجاهل ديالها للمغنية العالمية سيلين ديون، لي سلمات ليها الجائزة وخداتها منها بلا متسلم عليها.
هاد السلوك لي دارت تايلور سويفت غضب بزاف ديال عشاق الفن فالعالم، واعتابروه قلة احترام لواحدة من أساطير الأغنية الغربية.
كيبان فالفيديو اللحظة لي خدات فيه تايلور سويفت الجائزة من يد سيلين ديون بلا متشوف فوجهها ولا تعنقها ولا على الأقل تسلم عليها.
تايلور سويفت مارداتش على المنتقدين ديالها بالكلمات، وفضلات ترد عليهم بصورة، بعدما نشرات صورة ليها وهي كتعنق سيلين ديون بطريقة حميمية، ولكن واخا هكاك مقنعاتش الجمهور الكاعي منها.