غيكون جمهور الرجاء الرياضي حاضر بأعداد مهمة فماتش الفريق اليوم الاربعاء فبرشيد، ضد المغرب الفاسي برسم الدورة 18 من منافسات البطولة الاحترافية لكرة القدم، بعدما قررت السلطات تسمح لهم بالحضور وحتى قرروا ما يقاطعوش. لوطورت بين مدينة الدارالبيضاء ومدينة برشيد، كتعرف نشاط استثنائي اليوم ما بين 2 بعد الزوال و6 ديال لعشية توقيت الماتش بين الرجاء الرياضي وفريق المغرب الفاسي، اللي غيتلعب فتيران برشيد، والجماهير الرجاوية شادين الطريق فالطوموبيلات والطرونسبور لبرشيد باش يشجعو الخضرا ويوقفوا مع فريقهم اللي متصدر البطولة الاحترافية، وباغي يربح الماص ويعزز الصدارة. وكاينة تعزيزات أمنية سوا فالطريق ما بين الدارالبيضاءوبرشيد او بجنبات ومحيط تيران برشيد، باش الماتش يدوز فدورف مزيانة، وحفظا للأمن العام والسلطات مستعدين للتدخل فأي لحظة إذا ما كان الأمر كيتطلب ذلك إذا وقعت شي حاجة.
