جورنالات صبليونية: السلطات المغربية ف معبر باب سبتة رادة البال للشاذة والفاذة مع الصحافيين الإسبان اللي كيدخلو للمغرب وها علاش

karim.elsoufi29@gmail.com
قالت جريدة "إل فارو دي ثيوتا"، أن عناصر أمن الحدود المغاربة ف معبر باب سبتة كيطالبو الراغبين ف الدخول للمغرب بالإفصاح عن المهن ديالهم، وإذا "كان الجواب هو صحافي، غادي تسناك عدة إجراءات اللي تزيد من فترة الانتظار ديال باش تدخل للمغرب"، حسب المصدر ذاته.
وأضافت الصحيفة، أن الأسئلة اللي غادي توجه ليك باعتبارك صحافي هي الجريدة اللي خدام معاها والهدف من الزيارة وبلاما تحاول تكذب، حيت الاسم واللقب ديالك اللي مكتوبين ف الپاسبور بالزربة كيتم التدقيق فيهم في محرك البحث گوگل.
وحسب" ال فارو دي ثيوتا"، كاينة عدة شهادات ديال صحافيين من مليلية قالو أنهم تعرضوا للاستجواب من طرف البوليس المغربي اللي كان الهدف ديالهم يتأكدو من أن الصحافي المعني لا ينوي كتابة أي مقال أو تقرير أو شي حاجة تكون عندها أبعاد سلبية تجاه المغرب.