السلطات الصحية الاروبية: الفريز اللي جاي من المغرب فيه بوصفير.. شنو يقدر يكون وقع؟ وواش هادي حالة خاصة ببلادنا؟

السلطات الصحية الأوروبية قالت ان الفريز اللي كيصدر المغرب لاسبانيا فيه فيروس التهاب الكبد الوبائي (أ) ولا بوصفير بالدارجة.
وحسب صحف اروبية، هادشي جا بعد اكتشاف إصابة الفريز اللي جاي من المغرب بالنوروفيروس، اللي هو مرض كيسبب التهاب المعدة والأمعاء الحاد.
وحسب هاد الصحف السلطات الصحية الأوربية عبر نظام الإنذار السريع للأغذية والأعلاف (RASFF) كشفت أن الفريز المغربي فيه ليباتيت A، ولقاوها عند نقطة الدخول إلى إسبانيا.
وقالو المزارعون الصبنيول انه خاص ابلاغ السلطات المختصة فالاتحاد الأوروبي بإخضاع كاع الفريز اللي جاي من المغرب لفحص صحي كامل مكمول.
علميا كاين جوج امكانيات باش يتصاب الفريز، اللولة هي انه يكون تقاس بالما ديال الواد الحار. والثانية، هي انه يكون عامل فالفريز مصاب ببوصفير ودوزو للفريز.
اللي خاص نعرفو هو ان هادشي وقع فبزاف دالبلدان قبل، بخال بلجيكا وكندا... هادي ماشي حالة خاصة ببلادنا.
وعلمت "كود" ان لونسا خدامة على هادشي وغادير اللي خاص.