ها كيفاش غادي يكون التصور النهائي ديال النفق البحري السككي بين المغرب والصبليون

karim.elsoufi29@gmail.com
نشرات عدد من الجرائد الإسبانية، مؤخرا، التصور النهائي ديال مشروع النفق البحري السككي بين المغرب والصبليون اللي غادي يكون بطول 40 كيلومتر، واللي بقى حبر على ورق منذ ما يقرب من ثلاثة عقود بسباب التحديات الاقتصادية والفنية والسياسية.
المشروع اللي كيعتبر ملتقى استراتيجي بين المحيط الأطلسي والبحر الأبيض المتوسط، من المنتظر باش يعرف تطورات إيجابية ف ظل تصريحات وزير الأشغال العامة أوسكار بوينتي. وكيف ما جرات العادة، الصبليون باغين يتبوردو علينا واخا باقي ما حطينا ياجورة فيه.
التصور النهائي للمشروع غادي يركز على الربط بين أضيق نقطة بين إسبانيا والمغرب، لا تتجاوز 14.4 كيلومترا، وكتمتد من بونتا دي أوليفيروس، ف طريفة، إلى بونتا سيريس، ف المغرب أو شاطئ داليا، وإذا ما سمحاتش الصعوبات الفنية بسباب عمق المضيق، فغادي يتم اعتماد محور شاطئ بونتا بالوما ف إسبانيا وملاطابا على الجانب المغربي.
أما من حيث التصميم، فيبلغ طول هاذ النفق حوالي 42 كيلومتر، منها 27.7 كيلومتر تحت البحر و11 كيلومتر حصرًا تحت قاع البحر، مع أقصى عمق 300 متر وأقصى انحدار 3 فالمية.
المشروع غادي يوفر خدمة نقل البضائع والركاب، ويمكن البناء ديالو غادي يتم على مرحلتين: نفقان للسكك الحديدية ف اتجاه واحد، تمر من خلاله القطارات (نوع AVE وركاب)..