البوليساريو سعرات على إدارة الملاحة الجوية الإسبانية بعدما نشرات خريطة المغرب كاملة بالصحرا ديالو

Elouali.zaz.1987@gmail.com
ما تسناتش البوليساريو بزاف باش تعلق على الخريطة اللي اعتامداتها إدارة الملاحة الجوية الإسبانية ENAIRE، واللي بانت فيها خريطة المملكة المغربية كاملة بلا اجتزاء، بحيث بانت فيها الصحراء كجزء من المغرب.
وفهاد الصدد، رسلات جبهة البوليساريو رسالة لإدارة الملاحة الجوية ديال الصبليون، كتحذر فيها من ضم الصحراء إلى المغرب فالخريطة، متهمة الشركة بكونها "انتاهكات القانون الدولي".
وجا فالرسالة اللي رسلها ممثل البوليساريو فإسبانيا، عبد الله العرابي، إلى رئيس شركة ENAIRE، أن الشركة ما معفياش من "احترام القانون الدولي"، مطالبا بتصحيح الخريطة.
ويشار أن الخريطة اللي دارت إدارة الملاحة الجوية الإسبانية تعكس الموقف الرسمي الحكومي الإسباني الداعم للمغرب ووحدته الترابية وهو الموقف المعبر عنه من طرف رئيس الحكومة بيدرو سانشيث ووزير الخارجية خوسيه مانويل ألباريس خلال زياراتهم المتكررة للمغرب وفتصريحاتهم الرسمية.