سانشيث غادي يقدم اليوم تقرير للكونگرس الإسباني على زيارتو للمغرب ففبراير اللي فات

Elouali.zaz.1987@gmail.com
يمثُل رئيس الحكومة الإسبانية، بيدرو سانشيث، اليوم الأربعاء الموافق لتاريخ 10 أبريل، أمام الكونگرس الإسباني في جلسته المخصصة لتقديم تقري حول مشاركته في المجلس الأوروبي، المنعقد يومي 21 و22 مارس، وكذلك زيارتو للمملكة المغربية نهار 21 فبراير.
وغادي يحيط رئيس الحكومة الإسبانية، بيدرو سانشيث، الكونگرس بمخرجات مشتركتو فالمجلس الاوروبي، ولكن غادي يقدم ايضا تقرير حول زيارتو للرباط، واللي غادي تكون عندها أهمية أكبر بسباب تركيز المعارضة الإسبانية عليها فظل التطورات اللي تشهدها العلاقات بين الرباط ومدريد.
التقرير اللي غادي يقدم بيدرو سانشيث اليوم غادي يناقش فيه قضية التقارب اللي كاين بين المغرب وإسبانيا، والتعاون بين البلدين ومجالاتو سواء الإقتصادية أو السياسية او الرياضية، فضلا عن التعاون فمجال مكافحة الإرهاب والهجرة غير الشرعية، وكذلك الموقف من نزاع الصحراء، فضلا عن قضية المناورات ديال البحرية الملكية اللي فالسواحل الجنوبية للمملكة المغربية.
وكانت العلاقات المغربية الإسبانية شهدات طفرة كبيرة من بعد دعم الحكومة الإسبانية لمبادرة الحكم الذاتي وتوقيع الجانبين على خارطة طريق جديدة تؤطر العلاقات بين البلدين.
وكان بيدرو سانشيث قد أكد فزيارتو للمغرب 21 فبراير، أن موقف الحكومة الإسبانية المعبر عنه في البيان المشترك المعتمد في 7 أبريل 2022، والإعلان المشترك الصادر في ختام الدورة ال 12 للإجتماع رفيع المستوى ديال البلدين اللي انعاقد بتاريخ 2 فبراير 2023، هو نفسو الموقف فيما يخص نزاع الصحرا، أي دعم مبادرة الحكم الذاتي كأساس وحيد لتسوية الملف.