المصريين: الكاف خداو ضمانات من الجزائر باش يردو التونيات لنهضة بركان

كشفت وسائل إعلام مصرية ان الاتحاد الافريقي لكرة القدم، خدا ضمانات للإفراج على تونيات نهضة بركان اللي حاجزين عليها الديوانا ديال الجزائر فمطار هواري بومدين فالعاصمة الجزائرية.
وحسب وسائل إعلام مصرية، ومنها موقع "FilGoal" ونقلا من مصادر فالاتحاد الافريقي لكرة القدم، فالأخير خدا ضمانات من السلطات الجزائرية بالإفراج على تونيات نهضة بركان فالساعات الجايا، وان الكاف متبعين شنو واقع وخدامين باش يحلو الأزمة فوقت قريب.
ومن جهة اخرى، اكدت مصادر من نادي نهضة بركان ل "گود" أن بعثة النادي فالجزائر مازال كيتسناو قرار الاتحاد الإفريقي بخصوص هاد الاعتداء اللي دارت السلطات الجزائرية على الفريق، وان ادارة النادي ما غيلعبش الماتش ضد اتحاد العاصمة فذهاب دومي فينال كاس الكاف بشي توني آخر من غير التوني اللي حاجزين عليه الديوانا ديال الجزائر واللي فيه خاريطة المغرب وهو التوني المعتمد من طرف الكاف.