هادي خبار زينة.. أسماء المدير مخرجة "كذب أبيض" فلجنة تحكيم مهرجان كان العالمي

هاد العام ديال المخرجة أسماء المدير بامتياز. مخرجة فيلم 'كذب أبيض' غادي تكون مع لجنة تحكيم مهرجان كان العالمي في الدورة ديالو 77.
المدير غادي تكون مع أسماء عالمية باش يختارو الأفلام الفائزة ففئة Un certain regard لي هي من وحدة من فئات الجوائز الرسمية لمهرجان كان السينمائي، وجري منافسات الجائزة بالتوازي مع جائزة السعفة الذهبية.
المخرجة المبدعة أسماء المدير ربحات النجمة الذهبية لمهرجان مراكش الدولي 20، نهاية 2023، عن فيلمها "كذب ابيض" هدرات بعد تسلمها على الحلم فالفوز بهاد النجمة الاولى فتاريخ السينما المغربية.
وفسنة 2023، ربحات فمهرجان كان السينمائي الدولي واحدة من اهم جوائز الافلام الوثائقية فهاد الدورة، يتعلق الامر ب"العين الذهبية" المخصصة لهاد النوع من الافلام واللي كتكون معروضة فگاع المسابقات الرسمية للمهرجان.
الجائزة تقاسمتها اسماء المدير مع مخرجة تونسية اسمها كوثر بن هانيا اللي كانت مشاركة بفيلم "بنات الالفة"، لجنة تحكيم هاد المسابقة ترأسها كريستين دجونسون وشارك فيها اڤيلدي وصوفي فوشير وبيدرو بينيما ودجون كلود راسبينگاس.