وشوفو كيفاش تقلب العالم. الوزير مول فضايح لبريمات ولى كيعطي دروس فاخلاقيات مهنة الصحافة

العالم ولى مقلوب. الوزير اللي ربط اسمو بفضيحة لبريمات وگال عليه عليه بنكيران قبل ما يتحالف معاه: انت كركوز كتحرك من الخلف، كيعطي دروس فالصحافة.

الوزير اللي من نهار جابوه للخارجية وهو كيهدر غير مع الصحافة الأجنبية رد برعونة في بيان حقيقة حول ما نشرته "صحيفة الناس". مزوار ما كذبش الخبر فقط بخصوص حصوله على الجنسية الفرنسية بل مشى بعيد

الوزير اعتبر الخبر "مروج" وفيه "تحامل وقذف في حقه"، وبعد ان أوضح انه يحمل فقط الجنسية المغربية" اعتبر ان الخبر "يمس بشخصه وكرامته وصورة البلاد الخارجية، يعد انحرافا خطيرا عن أخلاقيات مهنة الصحافة كما ذهبت الى ذلك وسائل اعلام فقدت كل معنى لأخلاقيات المهنة وضوابطها".

شوفو شكون كيهدر على أخلاقيات المهنة وضوابطها. والسيد كان كيسب فبنكيران وباش تلقى الإشارة نسى اخلاق السياسة باش يولي وزير.