عاجل. ازمة مغربية بريطانية بسبب ارهابي. طلقاتو بريطانيا بلا ما تخبر السلطات المغربية وجا وشعل العافية فدار بوه وشوفو اش دار اخر

المغرب كاعي بزاف على بريطانيا ووزير الداخلية المغربي محمد حصاد اتصل بنظيره البريطاني للتعبير عن استياء سلطات الرباط. علاش هاد الشي كلو؟
حسب بيان لوزارة الداخلية توصلت به "كود"٬ فان بريطانيا طردت مواطنا مغربيا أدين من أجل الإرهاب في بريطانيا . ماشي هادا هو المشكل . المشكيل هو ان لندن لم تخبر الرباط بوصول هذا الشخص ولما وصل "أضرم النار بمنزل والديه، الكائن بمدينة الرباط، ورفض تسليم نفسه لقوات الأمن مهددا إياهم بالسلاح الأبيض.
لمغاربة كون خبروهم البريطانيين بان هاد السيد خطير ويهدد حياة الناس كون تصرفو معاه تصرف اخر،
السيد جا حسب مصادر "كود" الى عمارة قرب وزارة الشبيبة والرياضة بشارع ابن سينا بالرباط وجبد موس وهدد القوات العمومية والعملية ديال القبض عليه كانت معقدة حسب بيان الوزارة