علاش العدالة والتنمية حادگة غير ف"دوزيم"؟ ما احتجات لا على "موازين" لا على "ميدي 1 تي في". من الشعارات المضحكة "هادي اللي بقات على اخر أيامي لوبيز تشطح قدام ولدي" واش كتعرفو اش كتگولو" والخطيرة تشبيه القناة بإسرائيل

نظم شبيبة العدالة والتنمية بسطات امس الخميس وقفة تنديدية" امام القناة الثانية "دوزيم" بعين السبع بالبيضاء على ما سموه "للاحتجاج على المجون واللقطات الفاحشة التي نقلتها القناة من مهرجان موازين"، وقد رفعت شعارات بعضها مضحك وبعضها يعتبر عاديا ويدخل في موقف الحزب الايديولوجي واحدها خطير.
بالنسبة للشعارات العادية طالب المحتجون ب"اعلام يحترم هويتنا المغربية" وبقناة يمكن مشاهدتها امام العائلة، هاد الشعارات من حزب البي جي دي عادية، اما المضحكة فكان ابرزها "هادي اللي بقات على اخر أيامي لوبيز تشطح قدام ولدي" واش السيد عارف اش هاز، راه مغاربة كثار وكثر من اللي تفرجو فالسهرة (160 الف ) ومليون و200 الف او اكثر اللي شافوها فالتلفزيون كيحلمو تشطح ليهم لوبيز قدامهم، ورآها غالية بزاف بزاف باش تجي تشطح قدام ولدك يا الشريف
من الشعارات الخطيرة شوية "لا نريد تأدية الضريبة على قناة فاسدة" والاخطر لافتة كتب عليها شخص "مش هتقدر تفتح عينيك مع راية اسرائيل والقناة".
وقفة تظهر تخبط حزب العدالة والتنمية او تلفتو، فهو لم يرفع ولو شعارا واحدا ضد "موازين" ولا ضد منظميه، واخا قادة الحزب من الوزراء انتقدوه، والأكثر غرابة ان "ميدي 1 تي في" نقلت سهرة وحمل گيتاريست معروف بدفاعه عن المثليين مطلب إلغاء الفصل 489 من القانون الجنائي المغربي الذي يتضمن عقوبات سالبة للحرية ضد ما يسميه القانون "الشذوذ". ودابا أجنبي دخل فقضايا مغربية ما هدر معاه حد وقناة نقلاتو خاصة ان الإسلاميين يعتبرون المثلية اخطر من الرقص، علاش سكتو على هادي واحتجوا على "دوزيم" ؟ هاد الانتقائية غادين يكونو بوحدهم عندهم السبب.
وقفة تنديدية
نريد اعلاما يحترم هويتنا المغربية
بسبابك ما بقيتش كنتفرج مع دارنا