سكوب. دارها الحموشي وتهلى فالبوليس بطريقة غير مسبوقة. جوج ترقيات فعام واحد. اليوم ها شحال من بوليسي غادي يترقى وها اش كيتسنى اللي باقي

كما سبق ان اعلنت "كود" في مقال سابق٬ فرجال الامن عندهم خبار زوين بزاف هاد النهار. فقد علمت "كود" ان الادارة العامة للامن الوطني قررت ترقية 6718 رجل امن اليوم اي ما يمثل قرابة 40 بالمائة من اسماء المسجلين في جدول الترقية.
جدول الترقية هذا كان اعد بعد مراسلة من المدير العام للامن الوطني الى جميع المصالح والمواقع يطلب منهم تقدم لائحة لمن تتوفر فيه شروط الترقية. حسب مصدر "كود" فانه تم اعتماد اسلوب شفاف فبعد ان تعد المصالح المحلية والجهوية لائحتها يتم اعمال جدول وطني وفق ثلاثة شروط: الاقدمية والنقطة السنوية للموظف والنقطة المهنية له وعليه تم انتقاء 6718 موظف فشهر ابريل.
الاستثنائي في هذه الترقية انها لاول مرة في تاريخ الامن الوطني هناك ترقيتان: استثنائية ديال اليوم 28 ابريل 2016 ثم الترقية السنوية اللي غادية تكون فشهر يوليوز. عبد اللطيف الحموشي المدير العام للامن الوطني كان قد التمس من الملك محمد السادس اصدار ترقية هذا الشهر فوافق عليها.
وحسب مصدر "كود" فان قرابة 40 المائة اضافية ستستفيد من ترقية شهر يوليوز. يعني اللي كيتسنى وما نالو والو هاد الشهر عليه يصبر 3 اشهر او اقل. وبهذا سيكون مجموع المستفيدين من الترقية ممن سجل في جدولها هذه السنة قرابة 12 الف موظف.
وهناك امكانية لموظفين اخرين من الحصول على ترقية اخرى فهناك مباراة للبوليس اللي قل من كوميسير واللي نجح فيها غادية تحسن وضعيتو المادية.
الحموشي تهلى فرجال الامن باش يخدمو اكثر. السيد ما عندوش عام وجاب ليهم حاجة ما عمرهم حلمو بيها وهي جوج ترقيات فعام واحد. دابا شي ادارات اخرى غادية طالب حتى هي باش يكون باطرونها الحموشي باش ينالهم ما نال البوليس