"حياحة" الكدش بهدلو مسؤول أمني فكازا (فيديو)

شي نقابيين كيصحاب ليهم العمل النقابي "بلطجة". ومن بين هؤلاء شي "حياحة" ديال "الكدش" لي بهدلو مسؤول أمني حينت بغا يدير خدمتو، اليوم الأحد، على هامش احتفال المنتمين للكونفدرالية الديمقراطية للشغل، بيومهم العالمي، في درب عمر بالدار البيضاء.

المسؤول الأمني أراد استغلال الوقت الذي احتاجه المنظمين للإعداد للمسيرة الاستعراضية للنقابة، وفتح الطريق أمام سائقي السيارات باش يدوزو بعدما لقاو راسهم حاصلين فواحد الشارع كيدي للحسن الثاني، ليتفاجأ بواحد من "الكدش" يرغي ويزبد قبل أن يضع الباريير أمام السيارات ومنعهم من المرور.

هاد التصرف وخا كان مستفز ومصحوب بكلمات تعصب لي مكيتعصبش، إلا أن المسؤول الأمني تمالك أعصابه وطلب بكل أدب من هاد النقابيين يخليو غير هادوك السيارات لي حاصلين يدوزو وبعدها يسد الطريق.

ورغم أنه حتى كلمة ديال العيب ما خرجات من فم المسؤول الأمني وتصرف معاهم باحترام، إلا أن "حياحة الكدش" استمروا في المزادة الكلامية والتهديد، قبل أن يخاطب أحدهم المسؤول الأمني قائلا "دابا ندير تقرير بهادشي".