موت ابويا نلبس دربالتك. شوفو على وقاحة فالخارجية: هاداك مدرك مشى سفير واخا ما كيتسحقش وجاب واحد باش يديرو فبلاصتو

بعض المدراء في وزارة الخارجية والتعاون يعتقدون انهم هم من يحكم ويقرر ويعين. لا وزير لا مسؤول قادر على وقاحتهم. هاداك كريم مدرك مدير التواصل فوزارة الخارجية سابقا اللي ما دار والو فالمدة اللي كان فيها غير تزيد تشوه صورة هاد الوزارة وحدود خدمتو مقتصرة على معرفة شي صحاب كيمجدوه حقاش كاينة امو فالعرس عطاوه سفير وفين فاستراليا. اللي كيعرف امكانيات هاد الشخص يعرف ان قنصل فدولة غير مهمة للمغرب بزاف عليه.
ماشي هاد الشي هو المشكل بوحدو. هاد السيد قبل ما يجمع حوايجو ويمشي لاستراليا جاب واحد كان خدام معاه قبل باش يوجدو ياخد بلاصتو. السيد كيتصرف بحال ايلى هاد الوزارة وارثها.
الوزارة رجالية بزاف واخا كيظلو يكذبو علينا باحصائيات تخفي اكثر مما تظهر. كاينة عقلية رجالية باغية المديريات المهمة تبقى حكرا على الرجال والوقت اللي بدات غير شوية ماشي بزاف مباركة بوعيدة باش كانت وزيرة منتدبة فالخارجية والتعاون تبدل شوية كتبو تقارير وناضو حيحو وكالو راها باغية تفقر الوزارة.
مديرية التعاون كاينات عيالات حادكات كادات فيديهم ياخدو ديك لبلاصة. هاد النساء ما طالباتش التمييز الايجابي طالبات غير العدالة يعني ما يوقعش الدغانيش والغش ما يوقعش اللي كيفكر فيه امثال مدرك