سكوب. واش بصاح العثماني طلب من الملك يستبعد الاتحاد الاشتراكي من التحالف الحكومي؟ مصدر ل"كود" ما طلبهاش من الملك مباشرة

تحدثت اخبار عن طلب من سعد الدين العثماني رئيس الحكومة المكلف الى رئيس الدولة بعدم اشراك حزب الاتحاد الاشتراكي في التحالف الحكومي. مصادر ل"كود" اكدت ان هاد الشي ما كانش بهاد الطريقة. مصادر "كود" قالت "اللي كان هو ان العثماني كون دارها كان غادي يبان عندو الشجاعة. غير هو دوز الرسالة من احد مستشاري الملك ماشي للملك مباشرة. هنا جاه الرد بطريقة فهم باللي خاص الاتحاد يكون فالحكومة".
لغز الاصرار على الاتحاد مازال كيحير. حزب ولى ضعيف بعدما كان امل كل المغاربة قبل سنوات فقط. حزب ولى كيستنجد بالاعيان بعدما كان قبل سنوات كيفرخ بالكفاءات فكل الميادين. حزب محتاج لثورة باش تقاد ايلى باقي فيه ما يتقاد. هاد الحزب غادي يذكر التاريخ انه استعمل لضرب حزب اخر باش يولي بحالو. بلا ارادة بلا شخصية بلا روح