كيفاش جا التصعيد ضد فرانس 24″. هددوهم يجيبو البوليس على هاد الحلقة وسالات بمنع حتى الدوبليكس وماكرون وصلو هاد الملف قبل ما يوصل عندنا

علمت "كود" ان التضييق على "فرانس 24" بالمغرب بدات الخميس الماضي. قبل نهار ما تصور القناة "حديث العواصم" عن حراك الريف الجمعة بالعاصمة الرباط اتصل عبد الاله تهاني مدير مديرية الاتصال في وزارة الاتصال واللي كيقدم راسو هو الوزير الفعلي وهدد الشركة المكلفة بالانتاج باللي ايلى صورو يجيبو ليهم البوليس.
مصدر "كود" اضاف ان الحلقة كانت متوازنة فيها كان غادي يحضر صلاح الوديع ومحمد احداد ونعيمة الكلاف وامكانية حضور منار السليمي.
فرانس 24 وفق مصدر "كود" ما بغاتش التصعيد ودارو بناقص غير هو الوضع غادي ويتفاقم الى ان وصل اليوم الى منع تصوير اي حاجة فالمغرب ومنع الدوبليكس من المغرب واي شكل من اشكال التصوير.
هاد الشي جا يومين قبل من بداية زيارة رسمية لرئيس فرنسا ايمانويل ماكرون للمغرب. وفق مصادر "كود" هاد الملف وصلو ومن المتوقع يجبدو
هاد الشي كلو دار على قبال تغطية القناة للريف. دابا غادي يعطي نتائج عكسية. من حد امثال التهاني فهاداك المنصب اللي عقليتو امنية كتشوه البلاد وتزيد تخليه اللاور فالترتيبات اللي كتخرج سنويا على حرية الصحافة في المغرب٬ هاد لبلاد غادية تبقى تعاني.