حزيقيلة وماداير!!! علاش خليتو ماكرون يقلز ليك من تحت الكوستيم فاحداث الحسيمة واش جاب لمو يدوي على الموضوع من اصلو وعلاش كيمشي للجزائر اللي فيها الطايح اكثر من النايض ويلحس الكابة

عبد اللطيف اكنوش الاستاذ الباحث فالعلوم السياسية ما عجبوش الحال باش رئيس اجنبي يقول للمغاربة فاش كيفكر رئيس الدولة اي الملك فيما يقع فالريف. كتب تدوينة معبرة تقدمها "كود" كاملة
حزيقيلة وماداير!!
علاش تخلليو حزيقيلة ديال "إمانويل ماكرون" يقللز ليكوم من تحت الكوستيم في قضية أحداث الحسيمة؟ ! علاش تخلليوه يقول للناس بللي تكللم معا الماليك على "انتفاضة الريف"، وماشي على الحركة الاحتجاجية للي هي عادية في بلاد كاتحتارم راسها؟؟ وأشنو جاب دينمو يدوي كًاع على الموضوع من أصلو؟؟؟ مالو كايمشي للجزائر، وهي ديما شاعلة والطايح فيها كثاار من الواقف، وكايبدا يلحس ليهوم الكابة، "آلور" كونتوما جاكوم وفَرعَن عليكوم؟؟؟ علاش ماتذككروه بللي الإرهاب للي عندو هو ننيت راه ناتج ديريكت على السياسة المقاوودة ديال فرنسا في اتجاه رعاياها من أصول مغاربية، وأن المشكل كاين في التطرف الاجتماعي ديال القنادح للي عندو، وغير صبغوه بالدين؟؟؟ يعني islamisation de la radicalisation وماشي Islam radical ؟؟؟ مالكوم حشمتو ولا؟؟؟ وعلاش هو ما حشمش؟؟؟ علاش ماتقولوش ليه يدخل سوق كررو كيفما كايديرو ليه الدزايريين؟؟؟ الحاصول،
غسلت عليكوم يدديا حتى للططوابكً، حششمتو بيا الله يحششم بيكوم في هاذ النهار…الطبقة السياسية ديال الخخرا..تفووو…