نشرت فاطمة الزهراء القرطبي شي مغنية صورة لها من متن الطائرة اللي وفرها سيدهم ازويتن ديال المكتب الوطني للسياحة باش تزور الحسيمة اليوم الاربعاء. كمامر ديال الفنانين هربو لمغاربة لقنوات اخرى وباغيين يرجعو السياحة. واش بحال الغاوي والقرطبي والخياري نديرو شي حاجة. بحالهم غادين يجريو على السياحة. توقيت هاد الزيارة والمارشيات اللي تخادو فيه كيبين لينا ما باغيين غير يبانو هادو واش بحال الخياري وغيرو تسنى منهم شي حاجة. ما عمرهم حلو فهم على الحراك وغادين بوجه احمر تماك. مشاو بعد الفيديو الفضيحة اللي مس كبرياء ريافة وجرح كاع لمغاربة لحرار. غاديين نهار محاكمة الفنانة الوحيدة المعتقلة سيليا اللي حتى واحد من هاد لكمامر ما تعاطف معاها ولا شارك فوقفات تضامنية معاها، مشاو نهار المحاكمة ونهار الوقفة التضامنية اللي غادية تكون معاها. ما خاصهمش البيض الخامج هادو
