فين هي بسيمة وا بسيمة وهدري واش انتي وزيرة الاسرة فبلادنا ولا شي بلاد خرى. الذهبي: يمكن بان ليها قضية الاغتصاب الجماعي ما شي شغلها ونورمال عندنا وزيرة هي براسها ما قادراش تتحرر

واحد الوزيرة اسمها بسيمة حقاوي ديال المرأة والاسرة والتضامن غابرة. غابرة فقضية هزات الرآي العام وهي قضية الاغتصاب الجماعي لشابة معاقة فطوبيس وتصوير هاد الفعل الوحشي. ما عطات تصريح ما جاوبات على التلفون لا حلاتش فمها.
بالنسبة لعمر الذهبي المدير المركزي للاخبار في قناة "ميدي 1 تي في" في تدوينة له ف"الوزيرة المرأة ما هدراتش". واضاف يمكن هاد الشي ما هامهاش. واضاف "تصورو يكون شي وزير بحالها فاوربا وما يخرجش بشي تصريح"
الذهبي اضاف "يمكن ما عارفاش ما تقول. ولا وهادا وارد كتفكر بحال المتخلفين اللي عبرو البارح فالفايسبوك واللي قالو راه الخطأ ديال البنت"
الذهبي اوضح ان "على كل حال ماشي نورمال تكون عندنا وزيرة هي براسها ما قادراش تتحرر وسادة على راسها فدرة. كيفاش تقدر تكون محررة للمرأة"
الصحافي كشف في تدوينته "نه "ليس سمن عادتي خرجتا من هذا النوع بحكم مسؤليتي لكن بلغ السيل الزبى. يجب ان يتحرر هذا المجتمع. الحرية الفردية في الجنس في اللباس في المعتقد حق للجميع… المتزمتون والجهلة سيرجعوننا الى القرون الوسطى".
ماشي غير الذهبي الصحافي الوحيد اللي تقلق. بزاف الصحافيين ما فهموش علاش هاد الوزيرة ما تكلمت ما هدرت ما عبرت ما دارت والو فهاد القضية