فن الملوك مشا مع مّاليه…

—
كلشي ساهر حتى صبح الحال؛ و كاتب في الفايسبوك؛ "في انتظار مباراة القرن" . مشيت نشوف قلت واه الدربي دالرجاء و الوداد ولّى كيتلعب بالليل ياكما هذا هو الحل الّي لقاو لمحاربة العنف ف الملاعب و الهوليكانز..
سولت قالو لي لا راه هذا ماتش دالبوكس. قلت هي بدر هاري مل من التقاعد و بغى يحرك عظيماتو حيت شحال هاذي نيت مقرينا ليه شي مطايفة فشي موقع إلكتروني.
قالو لي لا راه هذا ماتش دالبوكس بين الايرلندي ماك كريكور بطل في فنون القتال و الامريكي ماي ويذر من أفضل الملاكمين في التاريخ راه بحال الى قلت لك محمد علي ضد الكاتشور انطونيو انوكي. تعجبت لهاد الاختيار، و لكن فهمت ملي شفت قيمة الارباح وراء هاد الماتش.
بدات المنازلة في الساعة التاسعة مساء بالتوقيت المحلي، الساعة الخامسة صباحا في فرنسا و كانال + هي الي حصلت على حقوق البث. في ميريكان، من الضروري دفع 99.99 دولار (84 يورو) لمتابعة البث عالي الوضوح ديال هاد الكومبا على القناة التلفزيونية في فترة شوتايم. و المغاربة راه عندنا غير الله و شي بيراتاج ديال شي قناة من هاذو.
ومن المتوقع توصل قيمة الارباح الاجمالية على الأقل ما يقارب 700 مليون دولار، الشيء الي كيجعلها أكثر المباريات المجزية في التاريخ. ماي ويذر، البطل العالمي خدا تسبيق ديال 100 مليون دولار، ودابا ملّي ربح غادي يزيدوه 250 مليون دولار بعدما يتم اقتسام الارباح بين التلفزيون وعقود الرعاية، و هكدا غيكون ربح منذ بدايته في هاذ المجال ما يقارب مليار دولار . و زيد عليها غيعطيوه ماني بيلت اي حزام "المال"، الحزام الّي صاوبوه خصيصا لهذه المناسبة وفيه 3360 حجر الماس، 600 حجر الياقوت و 300 حجر الزمرد.
من المؤسف ان هذا الفن النبيل لي هو فن الملاكمة تلّات به الايام و أصبح هاذ المهزلة الشعبية..الله يعز طايزن و يرحم محمد علي خلاو لينا فاش نتفرجو.