جوج مغاربة ملاعبينش في الماتش ديال اليوم ضد مالي

المنتخب المغربي غادي اكون محروم اليوم من الخدمات ديال جوج لاعبين ديالو الأول رسمي والثاني احتياطي، وغادي اكون رونار مضطر باش ادخل لاعب آخر في التشكيلة.
اللاعب الأول لغادي غيب كيف سبق ونشرنا هو يونس بلهندة، لأنه خدا جوج صفرات، الأولى مع الكوت ديفوار في الماتش للعبوه الأسود بمراكش، والثانية في الماتش ديال مالي.
واللاعب الثاني هو عزيز بوحدوز لتوعت ميقدرش العب الماتش، وممشاش مع المنتخب لمالي، ورجع لألمانيا باش اتلقى العلاج ديالو مع فرقتو.
وكما هو معلوم الماتش غادي اعرف مرة أخرى غياب الظهير الأيسر حمزة منديل لمقدرش العب مع المنتخب لأنه كان كيعاني من إصابة ودار عملية جراحية، ويالاه رجع كيدرب مع فرقتو، وباقي ملعبش ماتشات هاد العام.
وبات لزاما على المنتخب الوطني الفوز في المباراة ديال اليوم أمام مالي باش احافظ على فارق النقاط مع الكوت ديفوار نقطتين فقط.