جامع كولحسن تواطأ مع واحد ما صحافي وما عندو علاقة بالمهنة ورئيس الناشرين رفض يبرك معاه وغادي يكون بيان للفيدرالية والوزير دار بناقص

البرنامج الشوهة اللي دارو البارح جامع كولحسن في "مباشرة معكم" على "دوزيم" حول "الصحافة الالكترونية بين التقنين والتقييد" كان غادي يحضر ليه وزير الاتصال والثقافة محمد الاعرج وعلى هاد القبال اتصل المقدم المعد برئيس فيدرالية الناشرين نور الدين مفتاح باش يشارك. لكن شي تسجيل صوتي ديال هاداك اللي كيكول على راسو رئيس تنسيقية الدفاع عن حرية الصحافة والاعلام اسمه الحراق٬ يتحدث فيه بانه غادي يكول ويدير ويشوه ووو فالبرنامج بالاضافة الى عدم مشاركة الوزير٬ جعلت مفتاح يرفض المشاركة. رفض يشارك مع اللي ماشي صحافي.
الفضيحة فالبرنامج ان كولحسن بدون مناسبة ثار موضوع مسالي. مسالي حقاش شي وحدين فالوزارة ديال الاتصال ومنهم عبد الاله تهاني ديال مديرية الاعلام٬ ورطو الوزير فقضية امكانية تمديد فترة الملاءمة لسنة٬ قبل ما يدورو وزراء فحكومة بنعرفة منهم وزير الداخلية فالوزير ويرفضو رفضا باثا التمديد. فضيحة حقاش القانون دخل حيز التنفيد والموضوع اللي يستحق ماشي القانون بل واش مع هاد القانون غادية تطور الصحافة الالكترونية. كان خاص الموضوع يشاركو فيه غير المهنيين ماشي نقاش ما عندو قيمة. باينة سميرة سيطايل مديرية مديرية الاخبار ومعاها هادا رضى بنجلون حفات ليهم ودخلو فلعبة غريبة ما فهمها حد