الدوخة لي كتجي للواحد ول كيقدر يغيب فيها فاش كيشوف الدم راها حالة نفسية وماشي عضوية

مكيعجبش الإنسان يشوف الدم ، لكن عند البعض هادشي يقدر يتطور لأكثر من هاكا، لدرجة تقدر توصل لفقدان الوعي جراء المنظر ،ومن الطبيعي أن ضربات القلب كيزيد معدلها فاش كتعرض لموقف مخيف، إلا أن البعض فاش كيشوف الدم كيوقع ليه انخفاض مفاجئ في معدل ضربات القلب وضغط الدم، الي كيودي للإغماء،حسب صحيفة «غارديان» البريطانية.
وكيأكدو أطباء أن الواحد فاش كيغيب إذا شاف الدم، فراه هادي حالة نفسية وماشي عضوية، لكنها كتأثر على عمل القلب وضغط الدم،وبعض الأشخاص كيعانيو حالة نفسية كتسمى ب«رهاب الدم» أو «رهاب الجرح»، وهي حالة هلع كبير من مشاهدة الدم، كيما كانت الكمية ديال،. وفاش الواحد كيشوف الدم او الجروح النازفة، كتركبو حالة من الخوف الشديد لي كتحول من التأثير النفسي للعضوي، حيث كيتخربق عمل «العصب الحائر»، الي هو أحد أهم الأعصاب المؤثرة على عمل القلب ،وكيأدي هادشي إلى اختلال تدريجي في ضربات القلب، الشيء الي كينقص من كمية الأكسجين التي كتوصل للدماغ وبالتالي كينخافض ضغط الدم وهنا كيغيب الواحد عن الوعي.