طارق رمضان بحال جدو اغتصاب فكر وعقيدة امة. بحالو بحال تجار الدين غير هو خطير عليهم فهاد الامور

في عام 1996 كانت خرجات للاعلام فضيحة على السياسي الجمهوري روجر ستون بأنه هو ومرتو كانو كيديرو داكشي ديال تبادل الزوجات وحفلات اباحية وشلا عجب آخر ، وطبعا هادشي مهرسوش فالمسار السياسي ديالو وشفناه كيفاش رجع فحملة ترامب وكيفاش وصلوا للرئاسة ، حيث هو أصلا كان خارج ليها طاي طاي وحاليا ليبيرتاري حتى النخاع ، ومعندو مايخبي وعمرو تظاهر بالتقوة أو الورع باش تكون فضيحة ، لي بغا يعرف عليه كثر يتفرج لوثائقي دارتو نيتفليكس عليه بعنوان " Get Me Roger Stone".
هذا أحد الأمثلة من عالم السياسة لي خرجات عليه فضيحة جنسية وكان الأمر جد عادي ، ولكن ملي كتلقى مثلا بحال المفكر طارق رمضان متهب بالإغتصاب وماشي أول مرة فايت مغربية ضربات ليه الطر سميتها ماجدة العروسي فقضية مشابهة ، هو حقا الإغتصاب ماشي بعيد عليه بحكم أن الجد ديالو حسن البنة غتاصب أمة على قدها فكريا ومازال كيغتاصب فيها ، ولكن ملي كنلقاو راسنا أمام داعية مبجل يحاضر في الشرف والعفة والطهارة و داكشي ديال أالإسلام دين سلام ، وفنفس الوقت يقوم بمثل هاد السلوكات فهنا كتولي فضيحة ، واخا أصلا متوقعة من خوانجي وخصوصا خوانجي نجم ، بحكم أن أغلبهم تورط ففضائح جنسية وزيجات متعددة ببنات صغار ، بدا من القرضاوي ونتا غادي مرورا بأحمد منصور وآخرون لي البعض منهم زوجوهم إخوتهم فالعقيدة هنا فالمغرب من عيالات قد بناتهم .
طارق رمضان نجم إسلامي وماشي مجرد داعية عادي ، بل داعية أكاديمي يحاضر فكبريات الجامعات العالمية ، حول أن الإسلام دين سلام وأن الإسلام دين كيخلي الإنسان لي عنيف بطبعه ينتاقل من العنف للسلام ، ولكن ملي كتجي للواقع كتلقى السيد متهم بالإغتصاب والتعنيف والتهديد وهادو أكثر أنواع العنف مستهجنة عند الإنسان ، وهادشي ماشي حالة وحدة فقد فيها السيطرة بل كما تحكي هند عياري هادشي كان فمدة طويلة ، وكما حكت ماجدة البرنوصي لي كانت نشرات سيكستيب ليهم كاع ، وكيما قالت هي غادي تسقط القناع على هاد الشخص لي كيستعمل الإسلام باش يدير صناعة مفخخة في تجارة الدين بالكذوب وبطبيعتو الخداعة .
طارق رمضان لم يخالف العرف السائد بين تجار الدين، ولي هو كيمثل الفئة الأكثر خطرا فيهم ، لأنه كيسوق لإسلام متشدد كيما هو الإسلام أصلا في غلاف إسلام منفتح متقبل للآخر ، ولكن فالعمق راه كيكمل مسيرة جده في إغتصاب فكر وعقيدة أمة ، غير جدو كان مقتاصر على الفكر وهو زادها فكر وعيالات .