بنكيران بزز منو دار خطبة الوداع ودار الصواب اكثر من لقياس: هدا مؤتمر حرج وضراتني بعض الكلمات وكان ممكن نمشيو نديرو معارضة شرسة واخترنا مصلحة البلد والحزب

اضطر عبد الاله بنكيران خلال كلمته اثناء الجلسة الافتتاحية لمؤتمره الثامن اليوم بالرباط باش يدير بزاف الصواب. دار خطبة وداع وهو عارف شكون ضربو وشكون طعنو من صحابو. مشهد يلخص هاد التخبط هو عندما سول المؤتمرين "واش بغيتوني نرتاح وناض كلشي كيغوت: لا لا لا لا لا" طبعا هاد الشي جا بعدما رفعو شعار "بنكيران ارتاح ارتاح سنواصل الكفاح". يمكن قالوها وما عارفينش معناها. باش عاقو غيرو موقفهم.
بنكيران في خطبة الوداع هذه واخا هو بنفسو قال "الظروف ليست عادلة وهاذي ليست خطبة وداع" طبعا كان كيحاول يتفادى الدفع بالاجواء تكون مشحونة اكثر مما هي مشحونة" و اعتبر ان هاد المؤتمر "حرج"
بنكيران في خطبة وداعه هذه قال " يجب ان اذكركم بأمور أساسية. المؤتمر لي قررنا منديروش الجلسة الافتتاحية وانا لي قلتها لان المهم فهاد المؤتمر هو نخرجو منو موحدين بقيادة جديدة وعزيمة قوية على الاستمرار هذ المؤتمر جا بعد هزات كبيرة بزاف المؤتمر ديال 2012/2016 كان ميسرا اما هذا جا بعد الانتصارات لكبيرة لي قاد فيها الحزب من اجل البلد"
الامين العام للحزب قال باللي حزبو انتصر على خصومو واخا عياو ما يديرو. كما تحدث مع اعفائه واوضح "هاذ المؤتمر جا بعد الاعفاء ديالي لي رزقني الله الصبر وتفاعلت معاه بأريحية. كان ممكن ننهار ونحزن
ولكن هذي ضربة قاصية للحزب كان مفروض الحزب يوقف بشي موقف صعب ويمشي للمعارضة بشراسة ولكن قررنا نمصو الضربة من اجل البلد والحزب، ومشينا بقبول المقترح ديال يختارو شي واحد منا، وباش نكون صريح دخل الاتحاد لاشتراكي لتكون هذه ضربة اخرى بعد الضربة للحزب وللمجتمع لي ما قبلش"
واوضح بنكيران ان همه "من نهار تعفيت هو نوصلو لهاد النهار ونبقاو يد وحدة ونختارو القيادة ديالنا ودوزنا المرحلة بصعوباتها وحواراتها لي تجاوزات بعد المرات الحدود"
وتحدث عن المسؤولية وقال "كنت تنحسب الايام والساعات لحقاش المسؤلية ديالكوم فدراعي وكنحمد الله لي تنشوفكوم هكذا منظمين وعارفين ان الاهم هو نكون موحدين" وطالب بالعفو عن الاخطاء والتصريحات "نقد نكونو درنا اخطاء وطلبت من الاخوان نتسامحو رغم أن بعض الكلمات ضراتني "