جينرالات محمد السادس ديال المعقول: مولاي حفيظ العلمي وعزيز اخنوش بيهم فاتح معارك ضد البطالة والمغرب فاقص الجزائر وناجح فقطاعات السيارات والفلاحة وما بقاتش الحاجة لكابورال بحال بنعرفة ومن معه

وقع المغرب اليوم مع المجموعة الصينية العملاقة "بي واي دي اوطو اندوستري" فيه ستستثمر هذه المجموعة في منظومة صناعية متكاملة للنقل الكهربائي بالمغرب. اول مرة غادية تنتج السيارات الكهربائية في افريقيا. الاتفاقية تشمل بناء مصانع في السيارات الكهربائية وفي الحافلات الكهربائية وفي الشاحنات الكهربائية وفي القطارات الكهربائية الاحادية السكة.
هاد الشي ما جاش هاكاك. واخا الملك مشى للصين وووقع اتفاقيات كون ما كانوش "جينرالات" محمد السادس ديال بصاح اللي خدامين فمعارك ضد البطالة موحالش نوقعو اليوم فالقصر الملكي اتفاقيات بحال هادي مع مجموعة عندها 13 بالمائة من السوق العالمي للسيارات الكهربائية.
كاين جينرالات غير هما ماشي عساكرية وهما رجالات الملك ديال بصاح. فيهم جوج محيحين بزاف. مولاي حفيظ العلمي وزير الصناعة والاستثمار والتجارة والاقتصاد الرقمي وعزيز اخنوش وزير الفلاحة والصيد البحري والتنمية القروية والغابات. جوج جينرالات خدامين فحكومة كيرأسها كابورال ما عمرو دار شي معركة فحياتو لا فالقطاع الخاص لا فالقطاع العام وخدا منصب ما كيستاحقوش.
اليوم اثناء التوقيع ما كانش كاع. كان فمؤتمر الحزب ديالو او مسرحية تصيبات باتقان باش يوصلوه للامانة العامة.
مولاي حفيظ العلمي جاب شركة عملاقة وتكلم فندوة صحافية في الدار البيضاء عن شركات اخرى قادمة الى المدينة الذكية فطنجة. كلها شركات صينية. المغرب غادي يولي مصدر للعالم من هاد النوع من السيارات والحافلات والشاحنات والقطارات. السوق المحلية ما غادياش تاخد بزاف. المهم المغرب غادي يستافذ بزاف من اليد العاملة من الرواج الاقتصادي من الخبرة من مجالات مختلفة. قبل هاد الشي جاب شركات كثيرة فقطاع السيارات والمرتبط بها. هاد الشي سبق هاجماتو رئيسة الباطرونا مريم بنصالح باش تصفي معاه حساباتها وصافي. بان مع الوقت انها كانت غير كتخربق.
الدليل انه ولى من الجينرالات" القليلة للملك في حربه على البطالة وفي تسويقه لمغرب دينامي متحرك جالب للاستثمار.
عزيز اخنوش داير حرب اخرى فقطاع اخر حيوي وهو الفلاحة ومعها الصيد البحري. مضارب ومقاتل فهاد الميدان اللي فيه حيتان كبيرة ما تعقل على حد.
هادو هما الجينرالات اللي كتحارب ماشي هاداك اللي جابوه للدرك الملكي فبلاصة بنسليمان. هاد الجينرالات لاعبين مع كابورال بحال ابن عرفة واللغة ماشي بحال بحال. لغتهم مع الملك مشتركة. شي كيعرف اش كيقول لاخر. هاد الشي علاش هما المستقبل