اصغر رئيسة جماعة اللي اتهمت بالخيانة الزوجية قبل ما طلع بريئة كتهم البوليس: ضربني ضابط شرطة للراس حتى طحت وتعرضت للترهيب من قبلهم

هاداك الشي اللي عاوداتو اكرام بوعبيد رئيسة جماعة اثنين الطوالع بابن سليمان اللي كانت معتقلة واتهمت بالخيانة الزوجية قبل ما تخرج براءة خطير. السيدة اوضحت اللي كتعتابر اصغر رئيسة جماعة في المغرب كشفت انها ما تشداتش فدار لا شقة ولا غيرها وانها كانت فقهوة وكانت غادية للطونوبيلة ديالها قبل ما تهجم عليها زوجة رئيس الجماعة اللي اتهاهموه معاها.
لكن الخطير اللي جا فحوارها مع "هسبريس" هو ما وقع لها فالكوميسارية "مشيت للكوميسارية لا محضر لا بحث" واضافت ان البوليس طلب منها "تعتارف". من بعد تعقدات الامور تضيف اكرام "تعداو علي بالضرب= تقصد البوليس= "ضابط شرطة ضربني للراس حتى جيت للارض" واضافت "تعرضت للترهيب" من قبلهم٬ قبل ان تضيف "ضربني =بوليسي اخر= بعد ما طلب مني نحل تلفوني"
واضافت ان البوليس ما كانش كيسولها "كنحس باثار الضرب" . كما كشفت اليوم الاول ديالها فالبنيقة وانها نعسات على الضس وان التحقيق معاها بدا من السابعة حتى الثالثة صباحا
كما كشفت في الحوار نفسه حجم الصدمة بعد مغادرتها للسجن =خرجات براءة لانتفاء الفعل الجرمي كيف قال محاميها فتصريح سابق ل"كود"= الصدمة جاتها من الصحافة اللي زادت ضراتها بزاف بزاف
تصريحها كيفرض فتح تحقيق فاتهامها للشرطة بالضبط وما سمته "الترهيب"