فرانس 24 قوداتها. كيفاش مديرها العام للي سبق قال ل”كود” باللي كيدير تغطية مهنية كيجيب راضي الليلي

قناة فرانس 24″ بالعربية قوداتها فتغطية قضية توفيق بوعشرين مدير نشر “اخبار اليوم”. القناة دارت حلقة ما فيهاش ريحة المهنية. كيفاش تسمح قناة غادية وتتمدد فالمغرب وولى عندها اقبال بفضل عمل صحافيين فيها وتغطيتهم المهنية٬ تتحول لطرف.
كيفاش ولات “فرانس 24” بالعربية كتجيب محمد راضي الليلي. هادا ما بقى عندو علاقة بالمغرب واخا ولد كلميم. مشى عند البوليساريو ومن حقو يمشي فين ما بغى غير هو باش كتجيبو كتعرف علاش كيتجيبو. كتاخد موقف مسبق. الغريب ان هاد السيد فين ما كيجي من غير سب المغرب كيسب فيصل لعرايشي الرئيس المدير العام للشركة الوطنية للاذاعة والتفزيون.
مارك صيقلي المدير العام ل"فرانس 24″ باللغات الثلاث الفرنسية والعربية والانكليزية كيعرف المغرب مزيان حقاش خدم فيه فاطلاق “ميدي 1 تي في “. كيعرف المغرب حقاش كيعرف شكون اللي يستحق وشكون اللي ما يستحقش تعرض عليه فبلاطو.
سبق صرح ل”كود” بان الخط التحريري للقناة "متوازن وموضوعي ومهني"٬ واضاف "لن نسيء ابدا للمغرب. لقد عشت فيه سنتين ولا يمكن في قناة مهنية الاساءة لا الى المغرب ولا الى الجزائر ولا الى اية دولة اخري".
دابا كيفاش يمكن شي ضيف بالمغرب يحضر لبرنامج فيه هاداك راضي الليلي. اللي غير كيدور كيقلب فيه يهدر. من حقو يكتب من حقو يعبر ولكن راه ما عندوش علاقة بالمغرب. ما عايش فيه. ما يمكنش يفهمو