ها الجديد ديال المغربي لي لقاوه مقتول بالقرطاس فغابة بإيطاليا

علنات الشرطة الإيطالية، على إعتقال 3 ديال المهاجرين مغاربة، مفايتينش 20 عام ، للإشتباه فتورطهم فجريمة قتل مهاجر مغربي بالقرطاس، وسط غابة مهجورة بنواحي مدينة “فاريزي”.
والإعتقال ديالهم ، كيجي بعد أسبوعين من عثور الشرطة على جثة المهاجر المغربي، الي كان فعمرو 24 سنة، فالغابة، وفق ما نشرات صحيفة “كوريي دي كومو” الإيطالية.
وكانو لقاو المحققين فجيب الهالك 900 يورو وكميات كبيرة من المخدرات، لهذا ستبعدو فرضية القتل بغرض السرقة، وفالمقابل رجحوا فرضية تصفية الحسابات بين مروجي المخدرات، خاصة وأن الضحية كانو عندو عدة سوابق عدلية فترويج المخدرات.
والثلاثة ديال المغاربة لي مشتبه فيهم عندهم كذلك سوابق فتجارة المخدرات، وكيتواجدو فإيطاليا بصفة غير شرعية، لهذا فالمحققين كيعتاقدو انهم قتلو الضحية فعملية تصفية حسابات كتعلق بتجارة المخدرات .