وها كيفاش سقوط الطيارة العسكرية الجزائرية كذب تصريح وزير خارجيتها وبين باللي هاد الدولة كتشارك عسكريا ضدنا. يا الكذاب اللي كيكول الجزائر ما عندها دخل فالصحرا كول لينا اش كانو كيديرو عسكريين من البوليساريو مع ديولكم فالطيارة اللي طاحت هاد الصباح =فيديو

الصدف احيانا كتفرش وبسرعة ما يصدقها حتى حد. البارح خرج عليها وزير خارجية الجزائر عبد القادر مساهل على “فرانس 24” وكذب علي العالم ماشي على لمغاربة. قال باللي “الجزائر لا يمكنها المفاوضة على إستقلال “الصحراء الغربية” واضاف “ما عندنا علم بتدخل عسكري ديال المغرب شرق الجدار وحنا ماشي طرف فالنزاع‎” وأن النزاع قائم بين المغرب وجبهة البوليساريو، ولادخل للجزائر فيه”. هاد الصباح كلشي العالم كشف كذبة هاد الوزير الغريب.
طاحت طيارة عسكرية فيها شي 200 واحد فيهم عسكريون جزائريون وعسكريون من البوليساريو. دابا مات تقريبا شي 26 عسكري من البوليساريو.
قول لينا اش كانو كيديرو مع العسكريين الجزائريين وكيفاش كتقول الجزائر ما عندها دور؟ كتريني بيهم وكينقلهم مع جنودكم وكتوجدهم للضربة العسكرية اللي كيوجدها المغرب للبوليساريو ايلى ما حيداتش من المناطق العازلة فالحقيقة ما عرفناش شكون كاين فالاراضي العازلة واش جنود الجزائر ولا البوليساريو.
هاد الحادث فرشك مع الامم المتحدة اللي كيكذب عليها ديما وفرشوه مع الدول الاعضاء فمجلس الامن الدولي ومع الامين العام للامم المتحدة ومع المبعوث الشخصي الى الصحراء.
الجزائر ماشي غير ما عندهاش دور وكتشارك عسكريا ضد المغرب. قراو صحف البوليساريو اللي كتكلم على “حزن جزائري صحراوي” باش تعرفو هاد الشي