حصلت “كود” على تفاصيل بخصوص يوم اعتقال توفيق بوعشرين مدير نشر “اخبار اليوم”. هاديك الجمعة اللي تشد فيها حضرات لقاعة التحرير وفق صحافيي اليومية ل”كود” خلود الجابري واحدة من اللي قدمو شكاية بالصحافي. المصدر ذاته قال ل”كود” “بغات تدخل عندو وحاولات بكل الوسائل ولكن ما خلاهاش حقاش كانت رئيسة تحرير “اليوم 24” حنان بكور اتخدات فحقها قرار الطرد. ما تنفذش ولكن بدات المسطرة حسب مصدر “كود” انه حتى حد ما رد البال علاش كان هاد الاصرار باش تشوفو٬ غير دابا باش كيدورو الفيلم كيبان ليهم باللي كان شي مخطط يحصلوه متلبس. اي حسب هاد المصدر ل”كود” باللي كانت على اتصال قبل ما يجي البوليس وخرجات شي نص ساعة قبل الاعتقال. هاد الشي غادي يبان ويوضاح فالمحاكمة اللي كتجري دابا لمدير النشر والمتابع بقضايا كبيرة بزاف منها “الاتجار فالبشر” و”الاغتصاب”. خلود كانت قالت فحوار مع “شوف تيفي” باللي ما غتصبهاش بوعشرين وباللي مارس عليها ضغط فهاد الاتجاه ولكن ما استسلماتش ليه. السؤال المثير الغريب اللي بان فحوارها كيفاش تقبل وحدة تعرضات لهاد الشي كولو تبقى تخدم فمؤسسة وما تمشيش عند مفتش الشغل باش تغادرها وتاخد حقوقها. كيفاش مازال كيتقدم شواهد طبية باش ما تجيش. وكيفاش قالت باللي رسلات مادة فيديو وما نشرهاش ليها بوعشرين قبل ما يشدوه.
