تقرير عالمي كينصف بلادنا بين الدول لي فيها الأمان والاستقرار

عبد اللطيف حموشي المدير العام للأمن الوطني ومدير مراقبة التراب الوطني مزال محمّر للمغرب وجهو فالعالم. فقد خرج تقرير جديد ليصنف المغرب من بين الدول اللّي كيشعر فيها المواطن بالاستقرار والأمان والثقة بالأمن ديالو.
هاد التقرير لي صدر عن معهد “غالوب” لتقييم الأمن في دول العالم لسنة 2018 صنف المغرب المرتبة 56 عالميا، وذلك من أصل 142 دولة عبر العالم. التقرير صنف المغرب ثالث دولة على صعيد شمال إفريقيا والشرق الأوسط لي فيها الأمان والاستقرار.
بطبيعة الحال هاد التصنيف عندهو علاقة مباشرة بالمجهودات لكبيرة لي الحموشي مباشرة بعد تعيّينه فمنصب مدير عام للأمن الوطني وناض دار الحكامة فجهاز كان مريض وحارب الفساد بشكل سريع ورجع الهيبة للجهاز حتى تعالت الاصوات على مواقع التواصل الاجتماعي باشي يديروه وزير الداخلية وكاين لي بغاه فالتعليم والصحة وغيرها من القطاعات لي مريضة. المهم الرجل المناسب فالمكان المناسب وبحال هادو لي خاصنا ماشي مسؤولين فاشلين وفاسدين.