الحرب فكوسوفو بين الالبان والصرب خرجات فالمونديال والفيفا كتحقق فهاد الشطحة وهاد التصريح اللي فتحات لجراح حرب خايبة

غير طريقة الاحتفال بجوج بيوت ماركاتهم سويسرا على صربيا نهار ماتش 22 يونيو فكالينينكراد فتحات جراح حرب خايبة كانت فكوسوفو بين الالمان والصرب. مكر التاريخ ان اللي ماركا لبيوتا بجوج لسويسرا فهاد الماتش هما بجوجهم البان وهربو وهما صغار من هاديك الحرب وعائلاتهم خلصو الثمن: غرانيت تشاكا وشيردان شاكيري. لذا احتلفو باستحضار رمزية فبلادهم. احتفلو باستحضار الاحداث الدامية
شاكيري الكوسوفي جا مع باه لسويسرا وتولد فيها ف1992 وباه كان دوز الحبس وهرب لهاد البلاد. لذا باش ماركا دار يديه بجوج على صدرو وهادا كيدل على علم البانيا
الفيفا قالت انها فتحت تحقيقا في الموضوع وانها ستستمع الى اللاعبين معا فهاد القضية حقاش ممنوع الرسائل والشعارات السياسية فالملاعب
كما تم فتح تحقيق فتصريح مدرب صربيا ملادن كرسييتش بسبب تصريحه بعد المباراة انه يتوجب إحالة الحكم الألماني فيليكس بيرتش إلى محكمة جرائم الحرب في لاهاي، حقاش ما صرفش على بيلانتي واضح لفرقتو. الاتحاد الصربي يمكن يتعاقب على التصفار اثناء عزف النشيد الوطني السويسري حقاش فيه لعابة من البان كوسوفو.