مغاربة هولندا وبلجيكا كلهم كتسناو خطاب الملك غدا وها علاش

لمغاربة بصفة عامة وناس الريف بصفة خاصة جدا كتسنى خطاب العرش اليوم فالعشية. خطاب الملك محمد السادس مهم بزاف عندهم. فالحقيقة كيهمهم واش كاين موضوع الريف فهاد الخطاب. لحد الان وعلى بعد ساعات كيرجح ان الملك غادي يوجه خطابو من هاد المدينة اللي كيقيم فيها هادي ايام.
البارح تم استدعاء الوزراء مع رئيس الحكومة٬ كيف نشرات “كود”٬ باش ينتاقلو للحسيمة على شي نشاط او امر اخر هما ما عارفينوش باش طلبو منهم يمشيو.
ريافة كيتسناو هاد الخطاب وكيتمناو يكون عفو على ابناءهم اللي تحكم عليهم حكم فشي شكل وتوزعات عليهم 300 عام على ود حراك الريف وما عاشته المنطقة. ماشي غير العفو اللي كيتسناوه ناس الريف بل حتى عائلاتهم اللي فهولندا وبلجيكا. هادو بزافت منهم ما جاوش للعطلة كيف نقل بعضهم ل”كود” مخافة ان يكونو ضمن المبحوث عليهم فالحراك او تجبد اسمهم فالتحقيق. المصدر قال ل”كود” ان حتى هادوك اللي شاركو فمسيرات هناك فهولندا وبلجيكا خايفين يدخلو. طبعا المزايدات السياسية اللي كانت فهولندا بصفة خاصة زادت هاد الاعتقاد. زرعو الخوف فكلشي.
الريافة الخاريج كيتسناو بحالهم بحال كاع لمغاربة هاد الخطاب. كلشي كيتمنى ايجاد حل لهاد الملف واخا كل واحد وكيفاش كيشوف الحل. المهم لمغاربة محتاجين خطاب يعطي الامل يزرعو.