انضمام المغرب إلى الخليج استعمار جديد

كيف تلقيت خبر عرض مجلس التعاون الخليجي على المغرب الانضمام إليه؟
في اللول جاتني ضحكة كبيرة بزاف، ولكن الواحد باش يخمم مزيان يعرف باللي كاينة مصالح اقتصادية كبيرة ورا هاد العرض.

مصالح اقتصادية يستفيد منها المغرب ماشي دول الخليج؟
بالعكس، هما عندهم مصالح كبيرة فالمغرب وباغيين يحافظوا عليها.

واش ممكن تشرح أكثر لقراء "كود" بحالاش هاد المصالح؟
هما خايفين من هاد الحراك اللي كاين فالمغرب، وإيلى القبائل استرجعات أراضيها غادية تمشي ليهم القصور لكثيرة اللي مالكينها فالمغرب وتمشي ليهم الاراضي الشاسعة اللي عندهم هنا. واش كتعرف باللي واحد المستثمر خليجي عندو 30 كلم نواحي كلميم وأمراء آخرين عندهم مئات الهكتارات فنواحي الراشدية وبين سلا ووالماس وعندهم 7 كلم حدا مطار أكادير وفطنجة والنواحي وكاينين خليجيين مالكين بزافت الهكتارات.

بالنسبة ليكم طلب مجلس التعاون الخليجي للمغرب بالانضمام إليه تتحكم فيه حماية المصالح الاقتصادية؟
فكرت فالموضوع مزيان، وبان لي أن الحفاظ على ممتلكاتهم في المغرب هو الدافع الرئيسي لطلبهم إلى المغرب بالانضمام إلى مجلس التعاون الخليجي. هما باغيين يحافظوا على ممتلكاتهم في المغرب.

ما كاينش علاش يخافوا لا هما ولا غيرهم على ممتلكاتهم فالمغرب؟
هما باغيين المغرب يولي خليجي، وراكم يدافعوا على حاجة وحدة هي الاستثمار. نقطة أخرى هي أن تلك الأموال الخليجية المستثمرة في المغرب هي أموال مهربة من دولهم وباغيين يحميوها.

ولكن سؤالي هو مناش غادين يخافوا؟
دابا راهم متبعين هاد الشي اللي واقع في المغرب، وخايفين إيلى يوقع شي تغيير فالبلاد وتمشي ليهم مصالحهم وممتلكاتهم. راهم عندهم بزافت الهكتارات فالمغرب.

كسياسي وناشط أمازيغي، الجانب الثقافي ما متحكمش فطلب الانضمام هذا؟
الخليجيون ما كيهمش الثقافة واللغة، كيهمهم المصالح ديالهم. وأنا عارف بللي ما جايينش ينشرو اللغة العربية والدين عندنا. دابا لغتهم هي الإنكليزية.

كيف سيدافعون عن هذه المصالح في المغرب في حال انضمام المملكة إلى مجلس التعاون الخليجي؟
إذا انضم المغرب سيصبح ملزما باتفاقية الدفاع المشترك، هاديك الساعة يقدرو يجيبو الجيش للرباط باش يحميوا قصر زايد مثلا، هذه الاتفاقية هي التي طبقوها في قضية البحرين ودخلوا بالدبابات للمنامة.

تركز فقط، وفق تحليلك، عما ستستفيد منه دول الخليج، ماذا سيستفيد المغرب؟
في إطار حرية التنقل، ما يبقاوش لعيالات يهربوا للخليج، غاديات يدخلوا بطريقة قانونية حقاش ما غادياش تبقى الفيزا.
وهنا أريد أن أشير عبر "كود"، إلى أن بعض العائلات المتحكمة في المغرب تريد أن تقوي تحكمها لذا فهي أول من سيدافع عن هذا الانضمام. التاريخ يعيد نفسه، فعوض حماية فرنسية أو إنكليزية جابو لينا حماية خليجية.