احتجاز مسافرين فطيارة تابعة ل”لارام”.. ها كيفاش تحولات رحلة جوّية إلى كابوس وأحد المسافرين ل”كود”: عيب وعار هادشي

ساعات من الجحيم. تلك التي عاشها زبناء ديال الخطوط الملكية المغربية منذ صباح أمس السبت بداخل طائرة كانت ستقلهم من مدينة الدار البيضاء إلى إسبانيا. فحسب مصادر “كود”، فإن هاد الرحلة الجوية كانت غادي تنطلق مع 10 ديال الصباح لكن بقاو الناس انهار كولو فالطيارة محتجزين.
وقال أحد المسافرين، في تصريح ل”كود”، أنهم ظلوا لساعات طويلة محتجزين بداخل الطائرة، دون أن تتدخل الجهات المعنية، مضيفا بالقول: “حشومة عليهوم يديرو لينا هادشي وخلاو الناس واقفة على الأغراض ديالها من صباح حتى الليل ولاحو ناس كبارين وهادشي راه عيب وعار”.
يشار إلى أنه تم إلغاء عدد من الرحلات الجوّية بسبب الإضراب الذي يخوضه “ربابنة لارام” احتجاجا على السياسة اللي غادي بيها عدُّو المدير العام ديال الشركة. سياسة فاشلة غادي تخرج على الشركة وتديرها للهاوية وهاد الخدمة الفاشلة غادي بها من انهار حط رجليه فيها.