لارام قوداتها عاود ثاني. طيارة كانت غادية طيح فكندا والركاب عاشو ساعات جحيم طويلة وناس لارام تخلاو عليهم وهربو

علمت "كود" ان الرحلة رقم "AT209 الرابطة بين مونتريال الكندية والدار البيضاء التابعة للخطوط الملكية المغربية يوم امس 2 اكتوبر 2017 كادت تتحول الى كارثة جوية. وفق احد الركاب ل"كود" فانهم عاشوا ومازالوا يعيشون ساعات جحيم حقيقية مع "لارام". الرحلة كانت مع العاشرة و20 دقيقة ليلا. تعطلنا بزاف باش نطلعو للطيارة يشرح المسافر ل"كود". طلعنا كلنا تسينا 50 دقيقة ما عارفين والو يضيف مصدر "كود".
المشاكل يالله غادية تبدا. طارت الطيارة وبداو الضواو كيطفاو ويشعلو والطيارة كتململ والركاب مخلوعين. كلنا صافي مشينا فيها" يضيف مصدر "كود". الربان عاد الى المطار بعد فترة من الطيران. "نجينا من موت حقيقي وصافي" يوضح المصدر ل"كود".
وحقاش عاشو ساعات جحيم ماشي ساعة وحدة. بعد ما رجعو قلبات عليهم "لارام". كلشي هرب وكلشي تخبى عطاوهم سندويتشات ديال 20 دولار كندي صافي. ما عطاوهمش لا فين ينعسو لا وقتاش يرجعو. مصدر "كود" اضاف انه حتى حدود الساعة اي الثالثة من يومه الثلاثاء ثالث اكتوبر مازال ما دارو معاهم والو. لارام مع المدير الجديد كتشوه صورة المغرب وصورة الشركة وكتحتاقر المسافرين