خاص.. عدد من الوجوه البارزة فالحركة الشعبية رافضة ترشح العنصر اللّي غادي يدخل لكتاب كنيس للأرقام القياسية والمؤتمر دايز مشحون

وسط أجواء مشحونة، غادي ينطلق على الساعة الخامسة مساءً المؤتمر ديال الحركة الشعبية فالمركب الرياضي الأمير مولاي عبد الله بالرباط. فقبيل انطلاق هاد المؤتمر اللّي معروف ان العنصر غادي يطلع فيه أمين عام جديد عاود، “كود” التقت بعدد من الوجوه البارزة فالحزب وخدات الرأي ديالهوم على ترشح العنصر لولاية أخرى.
وقال قيادي بارز في صفوف “الحركة الشعبية”، في حديث مع “كود”، أن العنصر مرشح لهاد المنصب حقاش مضغوط عليه من قبل الناس اللّي قرابين ليه وكولشي عارفهوم حقاش بغاو يبقاو خدامين بالسيد كيف بغاو ويحافظو على مصالحهوم.
لكن هادشي واش كيعني ان الحزب ممدبرش الشؤون ديال العنصر. القيادي الحركي أوضح ل”كود” أنه من شحال هادي والعنصر غير محطوط فالواجهة وصافي.. وزاد قائلاً: معروف شكون محركو ومعروفة الناس اللّي ضاغطين عليه ومكيقدش يقولهوم “لا”. دبا عاود باغياه يكون باش تكمل طريقها.
قيادي حركي آخر قال ل”كود”، أن العنصر رجل دولة ودوّز بما فيه الكفاية لكن مابقة ليه ميعطي فهاد الوقت الراهن، متسائلا: “كيفاش السيد اعلن قبل انه مغاديش يترشح ودبا ناض يتحرش راه شوهة للحزب وللعمل السياسي”.
وزاد المصدر نفسه بالقول: “كاين بزاف ديال القادة فالحركة الشعبية ضد ترشح العنصر لهاد المنصب عاود لكن خاص المؤتمرين والشباب منهم يفهمو هادشي ويفكرو فمستقبل الحزب بالدرجة الأولى”.