الباطرونا فمجلس المستشارين مضاربين بيناتهم. الفريق يرد على نايلة التازي: “كلنا وراء حيفظي”. گاليك التداول وخلاو ولد البصري اللي ولى باطرون

خرجات الباطرونا فمجلس المستشارين بيان كترد فيه على احتجاج البرلمانية نايلة التازي على غياب الديموقراطية واتخاذ قرارات فردية علي خلفية ابعادها من المكتب وتعويضها لحميد الصويري. الباطرونا قالت فبيان توصلت به “كود” ان ما حدث يدخل فتجديد اجهزته في مجلس المشتارين.
واوضح البيان ان اجتماعا عقد لهذا الغرض وحضره كاه الاعضاء السبعة وانتهى بتقديم عضو اخر من هؤلاء لترشيحه لمنصب عضو مكتب المجلس. واضاف انه تمت الدعوة للانتخابات وحضرها جميع الاعضاء باستثناء عضو واحد في اشارة الى نايلة التازي.
واوضح ان هاد الشي توصل لانتخاب عبد الحميد الصويري كممثل للمجموعة ديال الباطرونا فمكتب مجلس المستشارين
كما اضاف التوضيح ان الفريق جدد الثقة في عبد الاله حيفظي كرئيس للفريق
واعتبر ان ما صرحت به نايلة التازي بلا ما يسميوها ما هو الا تعبير عن احباط واللي ما يمكنش يفسر هاد التصرف غير المسؤول، وادان هاد البيان هاد التصرف
غير اللي ما مفهومش كيفاش البيان كيقول راه باغيين التجديد وكيجددو فقط ممثل او ممثلة الباطرونا فالمكتب وما بدلوش رئيس الفريق اللي خلاوها عند ولد وتربية ادريس البصري واللي خدم معاه قبل ما يعود رجل اعمال.
بيان ما كيكولش كلشي ما كيهدرش علي الانقلاب وعلاقة الفعفاع بهاد الملف والصراع اللي كاين بينو وبين نايلة التازي