جهة كلميم. واش غادية تبقى بلا رئيس وتضرب تجربة يالله گالت باسم الله: ها مشروع مباركة بوعيدة للحل

جهة كلميم واد نون خرجات على مشروع الجهوية. مضاربة بين الاغلبية والمعارضة وقصوحية الراس ديال رئيسها اللي ما بقاش رئيس عبد الرحيم بوعيدة خلات كلشي معلق. الوالي ديال الجهة هو اللي كيدير الخدمة من نهار خرج بيان الداخلية باش يوقف التجمعي بوعيدة.
دابا المدة اللي حدداتها الداخلية غادية تسالي غدا. فمقال مقبل غاديين نهدرو على الاحتمالات. دابا قبل هاد المدة ما تسالي خرجات مباركة بوعيدة منسقة حزب التجمع الوطني للاحرار بالجهة وكاتبة الدولة المكلفة بالصيد البحري والقيادية التجمعية بمقترح للخرج. هاد الشي قدماتو الجمعة اللي فاتت فكلميم.
عرض بوعيدة فيه انها احتراما “لإرادة المواطنين الذين وضعوا ثقتهم في الحزب ومنحوه أصواتهم” فان “الظرف الحالي يستوجب أولا و قبل كل شيء وضع قطار التنمية على مساره الصحيح وليس الدخول في مزايدات لن تفيد المواطن ولا الجهة في شيء”.
كيفاش؟
بوعيدة دعت “إلى التشبث بمضامين الجهوية المتقدمة، وليس إلى المعاكسة بخطط التآمر والاستهداف”.
هاد الدعوة باش يكون هناك “حل توافقي” باش تكمل هاد الولاية. هاد الحل اقترحات فيه “استعدادها لتسيير هاته المرحلة إن اقتضى الأمر من أجل الوصول إلى توافق بين جميع الأطراف”.
ودعت الى “الانخراط والتعبئة من أجل إنجاح هذا المشروع، وإخراج كل البرامج والمشاريع إلى حيز الواقع الفعلي بما يخدم مصالح الجهة والساكنة وإعطاء صورة إيجابية للعمل السياسي ، وبالتالي على الجميع التحلي بروح بناءة ومَدِّ يد التعاون والعمل المشترك، واستغلال الوقت والطاقة فيما يفيد الجهة وليس العكس”.